ПЛУГ ЛЕМЕХЛАРИНИ КОНТАКТ ПАЙВАНДЛАБ ҚАЙТА ТИКЛАШ КЎРСАТКИЧЛАРИНИ АСОСЛАШ

Мақолада плуг лемехларини контакт пайвандлаб қайта тиклаш кўрсаткичларини асослаш бўйича олиб борилган экспериментал тадқиқотлар натижалари келтирилган бўлиб, ушбу тадқиқотлар контакт пайвандлаб олинадиган қатламнинг талаб даражасида сифатли бўлишини таъминлайдиган контакт пайвандлаш режими параметрларини асослаш мақсадида олиб борилди. Тадқиқотнинг предмети тупроққа ишлов берувчи ясси юзали деталлар юзасига пайвандлаб қоплаш материаллари таркиби, контакт пайвандлаш режими ва уларнинг ўзаро боғлиқлик кўрсаткичлари ҳисобланади. Юқоридагилар асосида шакллантирилган кукунсимон композицион материални ясси деталнинг ишчи юзасига контакт пайвандлаб қоплаш параметрларини аниқлаш устида олиб борилган тадқиқотлар натижасида пайвандлаб қоплаш режимининг асосий параметрлари аниқланди. Аниқланган параметрлар контакт пайвандлаб олинадиган қатламнинг талаб даражасида сифатли бўлишини таъминлашга асос бўлиб хизмат қилади.