SHO‘RLANISH SHAROITIDA G‘O‘ZANING OKSIDLANISH JARAYONLARIGA DAG-1 VA DAG-2 TABIIY ASOSLI PREPARATLARINING TASIRI

Tuzli stress o‘simlik to‘qimalarida kislorodning faol shakllari hosil bo‘lishini kuchaytirib, hujayra makromolekulalari strukturasini shikastlaydi va jiddiy metabolik o‘zgarishlarga sabab bo‘ladi. G‘o‘zaning tuzlar ta'siriga moslashuvida tabiiy asosli DAG-1 va DAG-2 preparatlari samarali bo‘lishi mumkin. Chigitlariga DAG-1 va DAG-2 preparatlari bilan ishlov berilib, NaCl ning turli kontsentratsiyalaridagi (100 mM, 200 mM, 300 mM) eritmalarida o‘stirilgan yetti kunlik g‘o‘za nihollarida pro-/antioksidant tizimi faolligi o‘rganildi. Muhim antioksidant ferment – superokiddismutaza faolligi tabiiy asosli DAG-1 va DAG preparatlari bilan ishlovlangan g‘o‘za navlarida yuqori bo‘lib, tuz ta'siriga chidamli bo‘lishi, ularda lipidlarning peroksidli oksidlanishining oxirgi mahsuloti – malondialdegidi miqdorining kamayishi hamda osmoprotektorlik xususiyatiga ega bo‘lgan erkin prolin aminokislotasining to‘planishi aniqlandi.