SIFATLI VA YAXSHI SAQLANUVCHAN OLMA MAHSULOTLARINI YETISHTIRISHDA QOG‘OZ QOPCHALAR BILAN MAVSUMIY HIMOYALASH USULINING AFZALLIKLARI

Olmaning Pink Ledi navi mevalarini saqlash davomida meva chirishi, taxir dog‘larning hosil bo‘lishi va mevaning ichidan qorayishi kabi fiziologik kasalliklar uchraydi. Bu kasalliklarni bartaraf etishda yangi ekologik toza usul hisoblangan mavsum davomida mevalarni qog‘oz qopchalar bilan o‘rash amaliyotidan foydalanildi. Qog‘oz qopchalar mevalarni quyoshda kuyishidan saqlaydi hamda meva saqlanuvchanligini ta'minlovchi zaruriy elementlar bilan oziqlanishiga qulay sharoit yaratadi. Qog‘oz qopchalar bilan himoyalangan mevalarning kimyoviy tarkibi o‘rganilib, mevaning yaxshi saqlanishida Kaltsiy elementi ahamiyati o‘rganildi. Ushbu usul sifatli organik mahsulot yetishtirishda samarali hisoblanadi.