G‘ISHT PISHIRISH XUMDONLARI UCHUN ISSIQBARDOSH TEMIR BETON YOPMA PLITA

Maqola g‘isht pishirish xumdonlarida issiqlikni saqlash uchun ishlab chiqilgan issiqbardosh temir beton plitani amaliy qo‘llash muammosiga bag‘ishlangan. Unda yillar davomida olib borilgan ilmiy izlanishlarga oid tahliliy ma'lumotlar, muammoning dolzarbligi hamda zarurati bo‘yicha olingan xulosalar, eksperimental sinash natijalari, ishlab chiqilgan issiqbardosh plita konstruktsiyasi materialining g‘ovakligi va strukturasining yangi ilmiy-tadqiqot natijalari keltirilgan va tahlil qilingan. Mazkur issiqbardosh temir beton plita Namangan va Andijon viloyatlaridagi g‘isht ishlab chiqarish zavodlarida sinovdan o‘tgan hamda olingan ilmiy natijalarning ishlab chiqarishda qo‘llanilishi bilan amaliy ahamiyatga egadir.