NANOKOMPOZITLI KATIONIT ASOSIDA KIMYOVIY SUV TAYYORLASH TIZIMLARINI YARATISH VA ISHLAB CHIQARISHNI O‘ZLASHTIRISH

Maqola import o‘rnini bosuvchi nanokompozitli kationit asosida kimyoviy suv tayyorlash tizimlarini yaratishning dolzarb masalasiga bag‘ishlangan bo‘lib, hozirda uning ishlab chiqarilishi O‘zbekiston Respublikasi Fanlar Akademiyasi Yadro fizikasi institutida yo‘lga qo‘yilyapti. Shu kabi tizimlarning ishlash tajribasi shuni ko‘rsatadiki, issiq iqlim sharoitida aksariyat hollarda kationitning mikroorganizmlar bilan tez ifloslanishi kuzatiladi, bu esa kationit granulalarining yemirilishiga va qimmatbaho kimyoviy suv tayyorlash tizimlarining xizmat ko‘rsatish va ishlash muddatining keskin qisqarishiga olib keladi. Xorijiy namunalardan farqli o‘laroq, maqola mualliflari tomonidan kuchli kislotali kationitni kumush nanozarrachalar bilan o‘zgartirishning yangi texnologiyasi qo‘llanildi, bunda u bakteritsid xususiyatlarga ega bo‘lib, Markaziy Osiyo iqlim sharoitida kimyoviy suv tayyorlash tizimlarining xizmat ko‘rsatish muddatini sezilarli darajada oshiradi. Hozirgi vaqtda nanokompozit kationitdan foydalangan holda kimyoviy suv tayyorlash tizimlari mamlakatimizda, xususan, respublika isitish tizimini modernizatsiya qilish doirasida qurilayotgan mini-qozonlarda faol tatbiq etilmoqda.