PUL MUOMALASI ABSTRAKTSIYASI: PASSIVDAN AKTIVGA QARAB BOSHQARISH

Iqtisodiyotda pul muomalasi tizimini samarali tashkil qilish va boshqarish sohaning fundamental tadqiqotlaridan biri hisoblanadi. Ammo ushbu masala mamlakatimiz iqtisodchi olimlarining tadqiqot ob'ektidan chetda qolmoqda. Hozirgi zamonaviy iqtisodiyot (raqamli iqtisodiyot)ga transformatsiyalashuv sharoitida pul muomalasi nazariyalarida ilgari surilgan abstraktsiyalar qanchalik o‘z ahamiyati, dolzarbligi va ilmiyligiga egaligi iqtisodchilarda qiziqish uyg‘otmoqda. Mazkur maqola pul muomalasi nazariyasining tarixi va bugungi zamonaviy sharoitlardagi ilmiy abstraktsiyalarining mushohadasiga bag‘ishlangan. Unda ilgari surilgan abstraktsiyalar ushbu sohaga mas'ul mutasaddi organlar (monetar, byudjet va soliq organlari)ning shu soha rivoji uchun amalga oshirayotgan va qabul qilayotgan qarorlari samaradorligini ta'minlashga o‘z hissasini qo‘shadi.