SEYSMIK INERTSIYA TASIRINI NAZARDA TUTGAN HOLDA INSHOOT ZAMINIGA NISBATAN XAVFSIZ BOSIM

Turli statik va dinamik ta'sirlar ostida bino va inshootlar zaminiga nisbatan xavfsiz bosim miqdorini belgilash so‘nggi yillarda qurilishning dolzarb va murakkab muammolaridan biri bo‘lib qolmoqda. Ayniqsa, kuchli zilzila kuzatiluvchi rayonlarda ko‘plab osmono‘par inshootlar barpo etilishi va ular zaminidagi grunt xususiyatlarining o‘zgarishi mazkur muammo yuzasidan yangi yechimlar ishlab chiqishni talab etadi. Maqolada ushbu muammoga oid bajarilgan ishlarning qisqacha mazmuni yoritilgan. Shu maqsadda zaminga nisbatan ruxsat etiluvchi yuqori yukni hisoblashga oid taklif etilgan ifodalar yordamida hisoblash seysmik inertsiya kuchi ta'sirini nazarda tutish bilan birga poydevor ostki qismlaridagi grunt deformatsiyasining me'yoriy miqdorini ta'minlaydi. Ishlanmaning loyihachilar tomonidan qulay va oson o‘zlashtirilishi mumkinligi uning qiymatini belgilaydi.