BODRINGNING OCHIQ MAYDONDA YETISHTIRISHGA MOSLASHGAN YANGI NAVI

Bugungi kunda respublikamizda bodringning sifatli va arzon, mahalliy iqlim sharoitiga mos, kasalliklarga chidamli yangi nav namunalari va duragaylarini yaratish, birlamchi urug‘chilikni yo‘lga qo‘yish, aholi, fermer xo‘jaliklarini urug‘ bilan ta'minlash, urug‘chilikni rivojlantirish hamda mahsulot eksportini kuchaytirish dolzarb masala sanaladi. Maqolada bodringning ochiq maydonlarda yetishtirishga moslashgan nav namunalari tavsifi va yangi «Sevinch» navining xususiyatlari bayon qilingan. Yangi navning afzalliklari, hosildorligi va hosil sifati aniqlangan. Ochiq va himoyalangan yer uchun mahalliy nav va duragaylarni yaratish zarurligi hamda selektsiya ishlari uslubi yoritilgan. Bodringning ToshDAUda yaratilgan hamda rayonlashtirilgan nav va duragaylarining morfologik, biologik va xo‘jalik belgilari tavsiflangan.