KONTSENTRATSIYALANGAN QUYOSH NURLANISHI OQIMI TAЪSIRIDA ERITISH ORQALI METALLURGIYA TEXNOGEN CHIQINDILARI TARKIBIDAN METALL QOTISHMALARINI AJRATIB OLISH JIHATLARI

Ushbu maqolada noorganik materiallarni qayta ishlash texnologik jarayonlarida, xususan, kontsentrlangan yuqori zichlikdagi quyosh radiatsiyasi oqimida materiallarni qayta ishlashda oyna-kontsentratsion tizimlar asosidagi quyosh qurilmalaridan foydalanish imkoniyatlari tahlil qilingan. Tog‘-metallurgiya jarayonlari chiqindilarini qayta ishlash muammosini hal qilish uchun tog‘-kon va metallurgiya chiqindilarini to‘g‘ridan-to‘g‘ri metall qazib olinadigan chiqindixonalar yaqinida qayta ishlash imkonini beruvchi mobil, ixcham quyosh qurilmalaridan foydalanish taklif etiladi Kon chiqindilaridan metallar olish maqsadida qayta ishlash uchun kuyosh kurilmasining geometrik va optik-energetik parametrlari hisoblanadi. Ko‘rsatilganidek, geliostat (100 m2 ) va diametri 10 m bo‘lgan paraboloid shaklidagi kontsentratordan iborat oynalar tizimi Olmaliq kon-metallurgiya kombinatining metallurgiya chiqindilarini eritish uchun yetarli zichlikdagi quyosh nurlari oqimini yo‘naltirishi mumkin. Material uglerod muhitida qizdirilganda, ularning oksidli holatidan metallni qaytarish jarayoni MeO + C = Me + CO reaktsiyasiga muvofiq borishi aniqlandi. Ba'zi metallar havoda sovitilganda, kislorodga kimyoviy yaqinligiga ko‘ra oksidlanadi. Ma'lum bo‘lishicha, xom-ashyoni doimiy ravishda yetkazib berish orkali 1 quyoshli kunda 2400 kg hajmdagi material eritish imkoni mavjud. Bu shuni ko‘rsatadiki, bitta quyosh pechida 1 yilda 110 t temir va 16 t mis ajratilib, 500 t sanoat chiqindilarini qayta ishlash mumkin. Chiqindilarni ulьtratovush bilan ishlav beri orkali ulardagi mis miqdori materialning dastlabki holatiga nisbatan 8 marta ko‘payishiga erishish mumkinligi ko‘rsatilgan.