UNIVERSITET 3.0 MODELI SHARTLARIDA TA’LIM SIFATINI TA’MINLASH

Maqolada zamonaviy universitetning institutsional modellari, oliy taʼlim muassasalari faoliyatining vazifalari, funksiyalari va xususiyatlari “Universitet 3.0” modeli asosida tahlil qilingan bo‘lib, u oliy o‘quv yurtlarida ta’lim, fan, innovatsiya va tadqiqotlar natijalarini tijoratlashtirish o‘rtasidagi integratsiya, shuningdek, mamlakatimizda oliy ta’lim tizimini rivojlantirish va akademik ta’lim tarmog‘ini xalqarolashtirishni nazarda tutadi. Tadbirkorlik universitetiga (3.0) o‘tish bo‘yicha o‘zgarish bosqichlari bugungi kunda oliy ta’limda kuzatilayotgan transformatsion jarayonlarga qarab asoslab berilgan. Universitetlarda tashkil etilgan ilmiy ishlab chiqarish innovatsion markazlari (texnoparklar)ga aholini joylashtirishda mavjud innovatsion ishlanmalarni tijoratlashtiradigan rezidentlarga kafolatlangan va maxsus imtiyozlar berish mexanizmini joriy etish bilan ilg‘or universitetlar asosida venchur fondlari va venchur banklari ochish tavsiya etiladi.