TASMALI KONVEYER ROLIKLI MEXANIZMINI YO‘NALTIRUVCHI QISMLARNING TARKIBIY TAHLILI VA KONSTRUKTIV LOYIHALASH

Maqolada tasmali konveyerda tekis aylanma harakatni amalga oshirib beruvchi tarkibiy qismi bo‘lgan yo‘naltiruvchi rolikli mexanizmida dumalash podshipnigi o‘rniga konstruktsiyasi takomillashtirilgan sirpanuvchi tayanch vazifasini bajaruvchi detallni qo‘llash haqida aytib o‘tiladi. Tog‘-kon sanoati korxonalarida tasmali konveyerlarning ishlashi muddatini belgilab beruvchi asosiy omillardan biri, atrof muhit ta'siri ostida bo‘lishi bilan ahamiyatlidir. Doimiy ravishda chang va namlikning oshib ketishi natijasida, konveyer yo‘naltiruvchi rolikli mexanizmlari tekis aylanma harakatini ta'minlab beruvchi dumalash podshipniklarining ko‘rsatilgan ishlash muddatidan oldin ta'mirlashga kelib qolishi dolzarb muammo bo‘lib kelmoqda. Mana shu dolzarb muammoni hal etish maqsadida tasmali konveyerda yo‘naltiruvchi rolikli mexanizmda dumalash podshipnigi o‘rniga, sirpanuvchi tayanch vazifasini bajaruvchi detallardan foydalanish, buning uchun ushbu detalning takomillashtirilgan konstruktsiyasini ishlab chiqish va ilmiy tadqiqot ishlari olib borish natijasiga ko‘ra, ishlab chiqarish korxonalarida muhim bir innovatsion yangilik sifatida qo‘llash tavsiya etiladi.