MURAKKAB KON-TEXNOLOGIK SHAROITLI KONLARDA UCHASTKALARNI SHAMOLLATISHNI OPTIMALLASHTIRISH

Yer osti konlarining gorizontlari chuqurlashishi natijasida qazib olish sharoitlarining murakkablashib borishi bilan lahimlarni shamollatish tarmog‘idagi havo miqdori ham mutanosib ravishda ortadi. Maqolada havoni taqsimlash, havo miqdori yo‘qotishlari va aerodinamik qarshiliklarni kamaytirish uchun havo oqimi to‘siqlari, havo ejektorlari, havo klapanlaridan foydalanish masalalari ko‘rib chiqilgan. Shuningdek, kon lahimlarini shamollatishda murakkab kon-texnologik sharoitlarda shamollatish usullari, shamollatishda havo oqimi tezligi, bosimi, lahim kesim yuzasiga bog‘liq holda havo tezligi va bosimi o‘zgarishi kabi ko‘rsatkichlarning optimal qiymatlariga erishish orqali shamollatish tarmog‘ida havoni taqsimlash yo‘llari keltirilgan.