ИШЛОВ БЕРИЛАЁТГАН ЖУН МАССАСИНИНГ ВАЛЛИ СИҚУВЧИ МОСЛАМАДА ТАҚСИМЛАНИШИНИ МУҚОБИЛЛАШТИРИШ ҲИСОБИГА СИҚИШ САМАРАДОРЛИГИНИ ОШИРИШ
Abstrakt
Мақолада жун ювиш қозонида сифатли ювиш ва юқори сиқиш самарадорлигини таъминлайдиган сиқувчи мослама кўриб чиқилган. Таҳлиллар шуни кўрсатдики, валли механизмлар ёрдамида жун тозалигининг юқори фоизига эришилади, шунингдек, сиқиш жараёни муқобиллашади. График шаклда ишлов берилаётган жун массасининг бир жуфт валлардан ўтаётгандаги тақсимланиши кўрсатилган. Тадқиқот натижасида жун сиқилган қатламининг геометрияси, унинг суюқликдаги ҳаракати, қатламнинг кенглиги бўйлаб босимнинг тақсимланиши, тутилиш шартлари ва унинг валлардаги ҳаракатига таъсир қилиши аниқланди. Ювиш қозонлари, ҳаракатланувчи паншахалар, тушириш механизми, чиқарувчи транспортер ва электродвигателлардан ибо-рат сувни тежайдиган экспериментал ювиш машинаси яратилди. Мақолада жунни ювиш муаммоси муҳокама қилинган. Суюқликдан жунни олиш ва кейинги ювиш қозонига тушириш бўйича таҳлил ўтказилди. Тавсия этилган машинада ювилган жун таркибидаги ифлос аралашмалар ва ёғлар мавжуд ювиш машинасида ювилган жунга нисбатан камайиши тадқиқ этилди