ИНТЕЛЛЕКТУАЛ БОШҚАРИШ ТИЗИМЛАРИНИ СИНТЕЗЛАШДА КВАНТ ҲИСОБЛАШ АЛГОРИТМЛАРИНИ ҚЎЛЛАШ

Технологик жараёнларни автоматлаштиришдаги асосий вазифалардан бири – бу кам энергия ва ресурс сарфлаб, юқори сифатли маҳсулотлар ишлаб чиқариш ҳамда бошқарув жараёни сифатини яхшилайдиган интеллектуал усуллардан фойдаланиб, юқори самарали бошқариш тизимлари яратишдир. Бундай тизимларнинг бошқариш объекти мураккаб, кўп ўлчамли, ночизиқли бошқариш тизимлари бўлиб, бу каби тизимларнинг хусусиятлари кўплаб имкониятларни қамраб олади ва мазкур тизимнинг жорий ҳолатига мос келиши билан изоҳланади. Бошқарув объекти сифатида синтезлаш колоннаси олинган бўлиб, кўп ўлчамли ва кўп боғланишли эканини инобатга олган ҳолда, интеллектуал бошқариш тизимини моделлаштириш квант алгоритмларидан фойдаланиб ечилди.