MAXSUS O‘ZIYURAR HARAKAT TARKIBI ASOSIY QURILMALARINING CHARCHOQ MUSTAHKAMLIGINI HISOBLASH USULI

Maqolada ramaning kesimlari bo‘ylab almashtirilmaydigan tarkibiy elementlarining statistik va analitik tahlili ko‘rib chiqildi. Ekspluatatsiyadagi avtomotrisa ramasidagi nosozliklar tahlili o‘tkazildi va qayta tiklash mumkin bo‘lmagan nuqsonlar aniqlandi. Ramaning mustahkamlik omilini aniqlash uchun ularning fazoviy modeli yaratildi. Bardoshlik kuchini hisoblashning umumlashtirilgan metodologiyasiga asoslanib, xizmat muddati tugagan avtomotrisa ramasining qoldiq muddatini baholash usuli taklif qilindi. Kuchlanish holatini baholash natijalariga ko‘ra, avtomotrisa ramasidagi muammolarni aniqlash va avtomotrisaning uzunlama balkalarining mustahkamligini oshirish usuli ishlab chiqildi. Shuningdek, yoriqlarni payvandlash va avtomotrisani modernizatsiya qilishda mustahkamlovchi nakladkalarni o‘rnatish orqali nosozliklarni bartaraf etish mumkinligi aniqlandi. O‘rganishlar natijasida O‘zbekistonda ekspluatatsiya qilinadigan barcha turdagi avtomotrisalarga ta’mirlash (tiklash va mustahkamlash)ning ushbu usulini joriy etish taklif etilmoqda.