INNOVATSION TARAQQIYOT MODELIGA OʻTISH SHAROITIDA MAMLAKATLARNING BARQAROR IJTIMOIY-IQTISODIY RIVOJLANISH DARAJASINI BAHOLASH

Ushbu maqolada bugungi innovatsion taraqqiyot modeliga oʻtish sharoitida dunyo mamlakatlarining barqaror ijtimoiy-iqtisodiy rivojlanishini ta’minlash zamonaviy innovatsion gʻoyalar, ishlanmalar va ilmtalab texnologiyalar asosida amalga oshirishni taqozo etishini e’tiborga olgan holda, barqaror ijtimoiy-iqtisodiy rivojlanish omillarini aniqlash hamda uning Yevropa Ittifoqi mamlakatlaridagi darajasini baholash koʻrib chiqiladi. Tadqiqotda oʻrtacha yechimdan uzoqlik (an evaluation based on distance from average solution (EDAS)) usulidan foydalanib, qaysi mamlakatlarda barqaror ijtimoiy-iqtisodiy rivojlanish darajasi yuqori va qaysi davlatlarda past ekanligi aniqlanadi hamda ushbu darajalar orqali mamlakatlar reytingi tuziladi. Shuningdek, maqolada baholash natijalariga tayangan holda, mamlakatlarning kuchli va zaif tomonlari aniqlanadi hamda kelgusida mazkur davlatlarning reytingdagi pozitsiyalarini yanada yaxshilash borasida xulosa va takliflar beriladi.