O‘ZBEKISTONDA BAXTIYORLIK VA HAYOTDAN QONIQISH

So‘nggi yillarda iqtisodchilarning e'tiborini tortgan baxtiyorlik tushunchasi va hayotdan qoniqishni aniqlash mikro doirada ishlab chiqaruvchilarni qiziqtirsa, makro doirada mamlakatdagi ijtimoiy-iqtisodiy vaziyatni tahlil qilish nuqtai nazaridan boshqaruv va hokimiyat organlari uchun ahamiyat kasb etadi. Mazkur tadqiqotda O‘zbekistonda baxt(iyorlik) iqtisodiyoti va baxt omillari tadqiq qilindi. Maqolada tartiblangan logit modeli yordamida baxt/hayotdan qoniqishga ta'sir qiluvchi omillar baholandi. Natijalar baxt/hayotdan qoniqishga sog‘liq va daromadning ijobiy va yoshning negativ ta'sirini ko‘rsatdi. Oila qurish va hayotdan qoniqish darajasi o‘rtasida esa ijobiy bog‘liqlik kuzatildi.