GENETIK MODIFIKATSIYALANGAN DNKni O‘ZBEKISTONDAGI OZIQ-OVQATLARDA ANIQLASHA

Maqola O‘zbekiston bozorlarida genetik o‘zgartirilgan oziq-ovqatlarni aniqlashga bag‘ishlangan. Oziq-ovqatlarda genetik o‘zgartirilgan organizmlar (GO‘O)ning mavjudligi polimeraza zanjir reaktsiyasi uslubi yordamida rangli karam mozaik virusining 35S promotori va Agrobacterium tumefaciens tuproq bakteriyasi Ti plazmidasining NOS terminatorini (T–NOS) nukleotid ketma-ketliklarini qidirish orqali tadqiq qilindi. Olib borilgan tadqiqot o‘rganilgan DNK namunalarida gen-ijeneriyasi yordamida kiritilgan o‘zgarishlarni aniqlamadi. Ushbu ilmiy ishda ishlatilgan uslublar va olingan natijalar genetik o‘zgartirilgan organizmlarni aniqlash bo‘yicha xizmatni tashkil etish uchun asos bo‘ladi.