MIKRONUTRIYENTLAR YETISHMOVCHILIGI PROFILAKTIKASIDA MILLIY TABIIY MAHSULOT – UZUM G‘O‘ROBIDA MIKRONUTRIYENTLAR TARKIBINI O‘RGANISH

Maqolada “Ona – bola” tizimida makro- va mikroelementlar yetishmovchiligi o‘rnini to‘ldirish hamda oldini olish maqsadida milliy tabiiy mahsulot – uzum g‘o‘robining mikroelementlar tarkibi va fiziologik roli yoritilgan. Uzum g‘o‘robi tarkibidagi 23 ta makro- va mikroelementlar neytron faollashtirish usuli hamda bakteriologik, toksikologik, radionuklid tadqiqotlar orqali aniqlandi. Mahsulotda makroelementlardan – kaliy, kalsiy, magniy, natriy va xlor, essensial mikroelementlardan temir, rux, mis, kobalt, marganes, yod va molibden miqdori yuqori ekanligi qayd etildi. Uzum g‘o‘robi mikronutriyent yetishmovchiligining oldini olish va korreksiyalash, bolalarning o‘sishi va rivojlanishini optimallashtirish, tiklanish jarayonlarini tezlashtirish hamda “Ona – bola” tizimida hayot sifatini yaxshilash maqsadida tavsiya etilishi mumkin.