O‘ZBEKISTONNING GLOBAL INNOVATSION INDEKSIDAGI RAQOBATBARDOSHLIGINING DUNYO BO‘YICHA E’TIROFI

Jahon iqtisodiyotining innovatsion rivojlanish tendensiyalari tahlili asosida GII reytingi hamda reytingdagi 50 ta ilg‘or mamlakatlar guruhida raqobat kurashi mavjudligi aniqlandi. GIIning 50 ta ilg‘or mamlakatlar reytingining aholi jon boshiga daromadlari bo‘yicha tahlili asosida O‘zbekistonning mazkur guruhga a’zo bo‘lishi imkoniyatlari asoslab berildi. O‘zbekistonning GII reytingida 50 ta ilg‘or mamlakatlar qatoriga kirishida ko‘mak beruvchi Vetnam va Hindiston reytinglari tahlil qilindi. “Inson kapitali va tadqiqotlar” indeksi bo‘yicha ko‘rsatkichlarni yaxshilash maqsadida Qozog‘iston tajribasini o‘rganish taklif etilgan. Tadqiqot natijalaridan O‘zbekiston Respublikasining innovatsion rivojlanish strategiyasini shakllantirishda foydalanish mumkin