BIOREAKTOR UCHUN NORAVSHAN ROSTLAGICHNI MODELLASHTIRISH VA TAHLIL QILISH

Ushbu maqolada bakteriyali oksidlash jarayonida qo‘llaniladigan bioreaktorning matematik modelini ishlab chiqish uchun yangi modellashtirish uslubiyati taklif etilgan. Adabiyotlar tahlili natijasiga ko‘ra, mavjud model bilan solishtirma tahlil o‘tkazildi. Bioreaktordagi parametrlarni rostlash uchun berilgan o‘rnatmalar asosida noravshan PID-rostlagichining koeffitsiyentlari sozlandi. Adabiyotlarda keltirilgan rostlagichlarni sozlash usullari solishtirma tahlil qilinganda, taklif etilayotgan uslubning samaradorligi isbotlandi. Tadqiqot natijasi shuni ko‘rsatadiki, taklif etilayotgan usul bioreaktordagi parametrlarni oqilona rostlashda yuqori unumdorlikka ega. Bundan tashqari, taklif etilayotgan usul o‘lchash jarayonida shovqinlar mavjud bo‘lgan holat uchun bioreaktor modelining nochiziqli holatida tekshirildi.