ҲАРАКАТ ҚОБИЛИЯТИ ЧЕКЛАНГАН АЁЛЛАР УЧУН МОСЛАШУВЧАН КИЙИМ ЛОЙИҲАЛАШ МАСАЛАЛАРИ

Ушбу мақолада ҳаракат қо-билияти чекланган инсонлар учун қулай кийим лойиҳалаш бўйича олиб борилган илмий тадқиқот натижалари ёритилган. Шунингдек, ҳаракат қобилияти чекланган инсонлар ста-тистикаси ўрганилиб, улардаги касаллик ту-рига қараб ногиронлик гуруҳига тақсимланиши кўриб чиқилди. Аҳолининг жисмоний имконият-лари чекланган қисмига эксплуатация жараёни-да қулайликни таъминловчи кийимлар ишлаб чиқариш долзарблиги келтирилди. Аравачалар ёрдамида ҳаракатланадиган ҳаракат қобилия-ти чекланган инсонларнинг кийим билан боғлиқ психо-физиологик ҳолатига салбий таъсир кўр-сатадиган омиллар аниқланди. Улар учун мосла-шувчан кийимлар ишлаб чиқишнинг мақсад ва вазифалари белгиланди ҳамда тадқиқот объек-ти танланди. Уларнинг мавжуд кийимларидаги афзаллик ва камчиликларни аниқлаш, таҳлил қилиш ва социологик тадқиқотлар олиб бориш мақсадида Тошкент шаҳар ва Тошкент вилоя-тидаги “Инклюзив жамият” ва “Меҳрибонлик” жамиятидаги аёллар ўртасида суҳбат ва ан-кета сўровномалари ўтказилди. Сўровномада 17 ёшдан 35 ёшгача бўлган 50 нафар респон-дент иштирок этди. Олиб борилган социологик сўровнома натижасига кўра, сўровномада қат-нашган аёлларнинг 50%и биринчи ва иккинчи но-гиронлик гуруҳига мансублиги аниқланди.