PAXTANI DASTLABKI ISHLASH KORXONALARIDA MAHSULOT TASHUVCHI KONVEYERLAR: TEXNOLOGIK YECHIMLAR VA AFZALLIKLAR

Paxtani dastlabki ishlash korxonalarida paxta xomashyosidan olinadigan mahsulotlarni sifatli va raqobatbardosh ko‘rsatkichlarga ega holda ishlab chiqarish hamda yuqori ish unumdorligiga erishish, avvalambor, texnologik mashinalarning bir-biri bilan mutanosibligiga uzviy bog‘liq. Texnologik mashinalarni to‘g‘ri joylashtirish va ularga qo‘shimcha yordamchi mexanizmlar joriy etish, ishlab chiqarilayotgan mahsulotlarni nobud qilmasdan, o‘z vaqtida navbatdagi texnologik jarayonga yetkazib berish orqali ishlab chiqarish hajmini oshirishga erishiladi. Lekin ko‘plab ishlab chiqarish korxonalarida xomashyoni bir texnologik mashinadan ikkinchi texnologik mashinaga o‘tkazishda uskunalar soni, binoning joylashishi yoki boshqa omillar sababli uzilishlar yuzaga keladi. Natijada birinchi jarayondan chiqqan xomashyo ikkinchi jarayonga yetkazib berishda qo‘l mehnatiga tayanilib, samaradorlik pasayadi. Mazkur maqolada ushbu jarayonlar paxta tozalash korxonasi misolida tahlil qilinib, uning yangi texnologik yechimlari va afzalliklari bayon etilgan